ტელევიზორის საკიდი

შეიძინეთ მოგიტანთ დაგიმონტაჟებთ

წარმოდგენილი საკიდი განკუთვნილია 48 სმ-დან 106 სანტიმეტრამდე დიაგონალის მქონე ტელევიზორისთვის, კედლიდან ტელევიზორის დაცილება 3 სანტიმეტრი, უძლებს 20 კილოგრამ დატვირთვას, არ გააჩნია არც დახრის და არც მობრუნების ფუნქცია, გამოდგება მხოლოდ იმ ტელევიზორებზე რომელთა საჭანჭიკე (საბოლტე) ადგილებს შორის დაშორება არ აღემატება 20 სანტიმეტრს, დამზადებულია ფოლადის მასალისგან.

ფასი: 20 ლარი

საკიდის შეძენის და ხელობის პირობები

საკიდი მისამართზე მოგვაქვს მხოლოდ იმ შემთხვევაში, როდესაც მას ჩვენი სპეციალისტი ამონტაჟებს. ჩვენთან მხოლოდ საკიდის შეძენა არ ხდება. ჩვენ მომხმარებლებს გთავაზობთ კომფორტულ სერვისს - თუკი არ გაქვთ საკიდი, გვირეკავთ და ერთად ვარჩევთ სასურველ მოდელს, შემდეგ კი მოვდივართ და ვამონტაჟებთ. ასეთ შემთხვევაში საკიდის ღირებულებას ემატება ხელობის საფასური. საკიდი ქონის შემთხვევაში რათქმაუნდა იხდით მხოლოდ ხელობის საფასურს.

ხელობის ფასი თბილისში:

• სტანდარტულ კედელზე 40 ლარი
• მოპირკეთებულ კედელზე 50 ლარი
• თაბაშირმუყაოს კედელზე 60 ლარი

საკიდი მოწყობილობა

შევარჩიოთ ტელევიზორის საკიდი ზომისა და ოთახის მოცულობის მიხედვით

თანამედროვე ინტერიერში ტელევიზორები არა მხოლოდ ნაკლებ სივრცეს იკავებს, არამედ ერთგვარ სტილსაც ქმნის ოთახში, ეს კი იმის წყალობით მიიღწევა, რომ მას ცალკე ავეჯი კი აღარ სჭირდება, არამედ იკიდება სპეციალური მოწყობილობის მეშვეობით.

დღეს გაყიდვაში მრავალფეროვანი არჩევანია, რომლებიც ერთმანეთისგან განსხვავდება კონსტრუქციით, ტექნიკური მახასიათებლებითა და ფასით.

ყიდვისას უნდა გაითვალისწინოთ ტელევიზორის ზომა (დიაგონალი), წონა და ადგილი; ასევე, ტიპი - პლაზმურია ტელევიზორი თუ თხევად-კრისტალური.

რასაკვირველია, თუ ტექნიკური სამუშაოები მეტ-ნაკლებად გეხერხებათ, ამ საქმეს თავადაც შეძლებთ, მაგრამ ეს პროცესი ისეთ დელიკატურ დამოკიდებულებას მოითხოვს, იმდენი მნიშვნელოვანი ნიუანსის გათვალისწინებას, ტელევიზორი რომ დიდხანს გემსახუროთ, რომ უმჯობესია, ჩვენს გამოცდილ სპეციალისტს მიმართოთ, რომელიც ყველა ნიუანსის გათვალისწინებით, ნებისმიერი სირთულის სამუშაოს ეფექტურად გაართმევს თავს.

ტელევიზორის საკიდი დაკომპლექტებულია ტექნიკური პასპორტით, შეძენისას არ დაგავიწყდეთ მისი ნახვა, რა წონაზეა გათვალისწინებული. გირჩევთ, არ იყიდოთ ისეთი, რომლის მაქსიმალური წონა ტელევიზორისას ემთხვევა (უმჯობესია, ცოტა მეტი გამძლეობის იყოს), თორემ დროთა განმავლობაში ვერ გაუძლებს სიმძიმეს და ტელევიზორი ჩამოვარდება. უმჯობესია, რომ 30-50 პროცენტით ზედმეტი გამძლეობის იყოს.

იმის მიხედვით, თუ რომელ ოთახში გსურთ ტელევიზორი, შემდეგი ტიპებიდან შეგიძლიათ გააკეთოთ არჩევანი:

• ფიქსირებული - სასურველია დიდი დიაგონალის მქონე ტელევიზორისთვის, ასევე, ჩაშენების შემთხვევაში. პატარა ოთახისთვისაც ასეთ საკიდს ირჩევენ;
• ნახევრად მოძრავი - ვერტიკალურად მოძრაობის წყალობით (დახრის კუთხე 20 გრადუსი) ძალიან მოსახერხებელია საყურებლად, განსაკუთრებით, დივანზე ან საწოლზე წამოწოლილ მდგომარეობაში. ასეთი კონსტრუქცია უფრო გამძლეა, ვიდრე სხვა მოძრავი მოდელები და უფრო დიდ დატვირთვასაც უძლებს;
• მოძრავი, ანუ უნივერსალური - ხელსაყრელია დიდ ოთახში ტელევიზორის დასაკიდად. ჰორიზონტალურად და ვერტიკალურად, 180 გრადუსით მოძრავი მოწყობილობის წყალობით ოთახის ნებისმიერი წერტილიდან შეძლებთ ტელევიზორის ყურებას. განსაკუთრებით სასურველია მათთვის, ვინც ტელევიზორს სამუშაო მონიტორად ან თამაშებისთვის იყენებს. ერთი დიდი ნაკლი კი, მაღალი ფასის გარდა, ის აქვს, რომ დიდ წონას ვერ უძლებს. ამიტომ მასთან საჭიროა დამატებითი მექანიზმების გამოყენება, რომელზეც ჩვენი სპეციალისტი იზრუნებს;
• ჭერის - იდეალურია მაღალჭერიანი ან სტუდიოს ტიპის ბინებისთვის. ასევე - იქ, სადაც შესაბამისი კედლები არაა. შეგიძლიათ აირჩიოთ სტატიკური ან 360 გრადუსით მბრუნავი მოდელი, რაც საშუალებას მოგცემთ, ტელევიზორს ოთახის ნებისმიერი წერტილიდან უყუროთ.

მეტი კომფორტისთვის შეგიძლიათ შეიძინოთ ისეთი მოწყობილობა, რომელიც ერთგვარი თაროცაა DVD-პლეერის ან საოჯახო კინოთეატრის მოწყობილობის განთავსებისთვის.

გარდა ამისა, უახლეს მოდელებს სადენების შესანიღბი ყუთიც მოჰყვება, რომლის დანიშნულებაც სადენების დამალვა და მათი დაზიანებისგან დაცვაა.

მოძრავის შეძენისას ყურადღება მიაქციეთ, რომ ის ლითონისგან იყოს დამზადებული, რადგან რაც უნდა კარგი ხარისხის იყოს პლასტმასი, დროთა განმავლობაში მაინც უფრო მალე გამოვა მწყობრიდან.